పాములతో మసాజ్ చేసే స్పా సెంటర్

మసాజ్ చేస్తే.. శరీరానికి అలసట తీరి.. రీఫ్రెష్ అవుతారు. అలాగని ఆ దేశంలో మసాజ్ కావాలా నాయనా..? అని ఎవరైనా అడిగితే వెంటనే ఒకే చెప్పకండి.. ఎందుకంటే ఆ దేశంలో మసాజ్ చేయడానికి చేతులనో…లేదా ఏదైనా పరికరాలనో ఉపయోగించరు.. బోర్లా పడుకోబెట్టి.. శరీరం పై పాములను వదులుతారు.. అదీ మనుషులను అమాంతం మిగేసి.. కడుపునింపుకొనే కొండచిలువలను మసాజ్ చేయడానికి ఉపయోగిస్తారు. ఇలా పాములు శరీరంపై వేస్తే.. చక్కని మసాజ్ లభిస్తుందని ఆ స్పా నిర్వాహకులు చెబుతున్నారు. ఈ మసాజ్ సెంటర్ ఇండోనేషియా రాజధాని జకార్తాలో ఉంది.
ఇండోనేషియాలో 2009 లో ఈ ‘స్పా’ ప్రారంభమైంది. ఈ స్పా లో మసాజ్ చేయడానికి కొండ చిలువలను ఉపయోగిస్తారు. అలా మసాజ్ చేయించుకోవాలంటే వంటి పై నూలు పోగు కూడా ఉంచుకోకూడదు. మాసాజ్ చేయించుకోవడం కోసం బోర్లాపడుకుని.. వంటి మీద బట్టలు తీసివేస్తే.. అప్పుడు కొండచిలువలను వీపుపై వదులుతారు. అలా ఆ పాములు శరీరంపై మెత్తగా కదలడం వల్ల కస్టమర్లు మంచి అనుభూతికి లోనవుతారని స్పా నిర్వాహకులు చెబుతున్నారు. అంతేకాదు.. ఈ పాముల మసాజ్ వల్ల జీవక్రియ మెరుగుపడుతుంది అని చెబుతున్నారు. అవి కరుస్తాయోమో.. అన్న భయం అక్కడ ప్రజలకు ఉండదు.. ఎందుకంటే జకార్తాలోని ప్రజలెప్పుడూ పాములతోనే సావాసం చేస్తారు. పాములను నియంత్రించడంలో మంచి నేర్పరులు.. పైగా వాటిని స్నాక్స్ గా చేసుకొని ఆహారంగా తీసుకొంటారు కూడా.. దీంతో ఈ పాముల స్పా రోజు రోజుకీ విపరీతమైన డిమాండ్ ను సొంతం చేసుకొన్నది.

LEAVE A REPLY

Please enter your comment!
Please enter your name here